見高唔拜都會附和, 見低唔踩都會恰吓

講起青衣, 阿婆就把幾火... well, 老人家睇化咗好多野嘅同時亦會對好多野有執念,
so 總會耐唔耐發吓脾四/嘮叨的, 同老人家同住過嘅就最清楚喇~

事源啱啱喺 FB 見到張以前其中一條嘅青衣同一些 mutual friends 嘅相
想當年, 阿婆仲係食物鏈最低層都未去到嘅時候 (依家都未到), 就俾呢條青衣恰過, 詳情已經無印象
古語有云 舊夢不須記, 咁垃圾就更不須記啦!~ 其實對大部份恰過阿婆嘅人, 阿婆都無咩印象了...假如有一日係街上面偶然咁撞到, 阿婆好肯定佢地唔會點吓到問候吓阿婆,
佢地仲會扮見唔到阿婆, 而阿婆亦都唔會為意有個咁嘅人經過, who f**king cares
阿婆之所以對依條舊青衣有啲印象, 除咗因為 FB 有 mutual friends,
仲因為宜家佢都算撈得好掂, 會代表公司去領獎影沙龍嗰批, 所以耐唔耐都見到佢啲相

阿婆有時心裡不禁慨嘆, 見高唔拜都會附和, 見低唔踩都會恰吓, 似乎係千古不變嘅定律...
世界仔囡之所以撈得咁掂, 好大程度係因為佢地能夠專業地演繹出比四川國術變臉更完美嘅 face on, face off
阿婆自問學藝未精, 亦對呢樣國術興趣不大, 所以撈咗咁多年, 都仲未可以告老歸田但每逢見到呢類型嘅臉具相, 都好似有把聲叫緊阿婆...
「返歸把啦!~ 呢行係咁假, 中環係咁假, 唔啱就過主! 唔好阻住我發達!」

後記：　阿婆只係怪自己不才, 無怨邊個, 亦好多謝佢地「成就」咗今時今日嘅阿婆。