龍脷葉枇杷葉雪梨湯 精選

由身體抱恙, 已經冇入廚幾日. 這幾天天氣寒冷, 想食D熱辣辣嘅食物. 喜愛飲湯嘅我, 當然煲番煲湯就最好不過. 天氣變, 一向有氣管敏感的我, 梗係煲番D清潤的湯水. 我以前都比較抗拒D奇怪的湯水 (總之唔係大路嘅青紅蘿蔔, 蕃茄薯仔.....等等) 但人大咗, 對改善身體嘅湯, 我都漸漸接受. 不過, 始終有某些湯依然唔飲啦!

龍脷葉枇杷葉石黃皮湯 (2人份量)

材料:

龍脷葉 1兩
鮮枇杷葉 1兩南北杏 1兩
雪梨 2個
豬冧肉 4兩 . (大約$20)
薑 3片

做法:

1. 龍脷葉,枇杷葉浸洗; 雪梨洗淨,去核,切厚片. 豬冧肉洗淨汆水.
2. 凍水放薑, 用12碗水煲滾, 將全部材料放入煲內, 先用猛火煲半小時, 轉慢火煲1個半小時, 成8碗, 落適量鹽調味, 即成.

[溫馨小貼士]:

雪梨切開後, 要盡快浸泡在食鹽水中, 才能避免雪梨變色. 浸泡食鹽水的時間不需太長, 大約3-5分鐘即可.
●功效:

此湯有清熱潤肺,化痰止咳等功效.對燥熱咳嗽,痰火喘咳,或內傷肺熱失音,喉痛及支氣管炎等都有幫助. 清潤可口,可作為預防肺熱咳嗽及咽炎,氣管炎之用,全家可飲.只要煲夠時間,此湯並不太寒涼.


按這裡來LIKE吓我的Facebook Page支持呀~