夜香花馬蹄蒸肉餅 精選

相信大家琴日都畀"房柯"兩大男星在西北京涉藏毒及吸毒事件震撼晒。今早還播出柯姓男星痛哭的拘留片段。早知今日，何必當初呢! 其實當初要掂毒品，已經會預計到後果啦! 點解咁唔珍惜自己呢? 可能今日我自己發生有點事，所以感受特別深。記住珍惜所有，活在當下，愛錫自己身體! 希望經過們今次那麼大的教訓，真的能夠改過，重新站起來。

夜香花，大多數用作湯水用途，但其實大家有冇諗過加入肉類呢？這個idea來自蟲草花可以加入肉類。食後感覺好清新，好清爽，絕不油膩，夏天用來撈飯至好不過。


夜香花馬蹄蒸肉餅 (2人份量)

材料:

半肥瘦梅頭肉 250克夜香花 1兩
馬蹄 5粒

醃料:

生抽 1湯匙
糖 1茶匙
生粉 1湯匙
油 少許
水 3湯匙 (後下，逐少加至肉輕身, 單手拿不起為止.)

做法:

1. 梅頭肉洗淨，切片，手剁或用攪拌機成免治肉碎，加入醃料，醃30分鐘。

2. 夜香花用鹽水浸約5分鐘，再用清水洗淨，切去尾部。馬蹄洗淨，拍鬆後刴碎。

3. 將肉碎、馬蹄粒、夜香花 一起順時針方向攪拌 ，置在碟上。在肉餅面鋪上少許夜香花。隔水大火蒸10至12分鐘，即成。