煮食記錄: 雙蔥鹽粷煎豬扒

鹽粷在日本歷史十分悠久，但真正在日本熱爆是從2011年下半年開始，幾乎各超市及各家廚房都能發現它的踪跡，深受日本主婦的痛愛。這股熱潮亦都帶來香港，令大家有機會感受鹽粷的優點。

什麼是鹽粷呢？ 鹽麴成分很簡單，非常天然，只有米麴、鹽和水，混合後再發酵，可以取代鹽，但鹹度較低、味道較溫潤醇厚；帶米香及甜味。對腎臟負擔小。另外粷中有分解酵素，有分解蛋白質的作用。用來醃肉，可令肉質鬆軟，肉汁更豐富。

買了鹽粷回家，第一道就用鹽粷醃豬扒， 豬扒就算只用鹽麴調味都已經很好食，香煎過的豬扒更是出奇地惹味！這道豬扒肉質比平常鬆軟，絕對十分神奇!


雙蔥鹽粷煎豬扒 (2人份量)

材料:


豬扒 4件 (約400克)
京蔥 1棵
洋蔥 半個
白芝麻 少許


醃料:


鹽粷 3湯匙
生抽 1茶匙
生粉 1湯匙 (後下)

調味料:


HP醬 1湯匙

做法:


1. 豬扒洗淨，抺乾水份，用刀背拍鬆，加入醃料醃小時或過夜。

2. 京蔥洗淨斜切，洋蔥洗淨切絲，備用。

3. 煎豬扒時，撲上生粉，燒熱油鑊，用中火煎至金黃色，盛起，切條。

4. 再燒熱油鑊，將京蔥、洋蔥炒香，把豬扒回鑊，加入調味，煮至收汁，盛起上碟，灑上白芝麻，即成。