cici靚靚湯水: 鹹菜胡椒豬肚湯 - Staub煮理

每次胃部不適，我都會煲 [鹹菜胡椒豬肚湯]。豬肚配鹹酸菜; 胡椒粒具有温腸暖胃,散寒止痛作用，對胃潰瘍屬胃寒患者很有療效。
鹹菜胡椒豬肚湯 (2人份量)

材料:

咸菜 2 両
豬肚 1 個
豬筒骨 500 克
白胡椒粒 3 湯匙
生熟薏米 3 錢
薑 4 片
水 1500毫升


做法:

1. 將豬肚放在洗碗盆內，剪去周圍的肥膏後反轉 , 開著水喉用清水沖洗走黃色污穢物 ,



之後用粗鹽刷洗豬肚三次 , 再用生粉刷洗豬肚三次 , 清洗乾淨後盛起瀝乾水份。



2. 煲沸水，用薑蔥水把豬肚汆水，再用凍水過冷河，然後用白鑊煎豬肚的兩面，盛起備用。



3. 豬骨洗淨汆水。白胡椒用攪拌機弄碎白鑊爆香，咸酸菜略洗，切小片及切去葉部份, 生熟意米浸洗。

4. 白胡椒粒弄碎後放入豬肚內 , 用牙籤封口。

5. 將水倒進鍋中 (Staub 24cm)，凍水放薑片，將咸菜、豬肚、豬骨、白胡椒、生熟意米用中大火煲30分鐘，後轉小火煲1 1/2小時。


6. 將豬肚盛起切件 , 連用內裡的白胡椒一同放回煲內用小火再煲30分鐘，下適量鹽調味，即成。


**小小貼士**

- 咸菜只需用水略洗，如用水浸太長時間會無哂味！咸菜D葉會令到D湯有苦味，所以不要放下去！
- 白胡椒想再容易出味, 可以略樁, 才用白鑊爆香。

-每人口味都唔同，如果試味，覺得胡椒味唔夠可再加。不過要注意一點，這個湯會愈煲愈濃，所以唔好過辣 。