【中式賀年糕點：瑤柱臘味蘿蔔糕 2018】

三天後便踏入狗年, 每年我都會自製不同糕點送給親朋好友。 在剛過去的星期日, 到了朋友家中, 教她做蘿蔔糕。 我一直都是用刨去刨蘿蔔, 數年前購入刨蘿蔔神器, 刨蘿蔔就不會手軟。 這次做了10斤多蘿蔔, 幸好有36cm深鑊，夠大又夠深。
今年做的蘿蔔糕跟往年的有點不同, 口感與味道都提升不少。
相信大家呢幾日都忙完做糕點及辦年貨, 大家加油呀 !

瑤柱臘味蘿蔔糕 2018

材料:

蘿蔔 10斤半
三象牌粘米粉 1000克
粟粉 150克
臘腸 4條
臘肉 1條
蝦米 4兩
瑤柱 6兩
乾蔥蓉 6粒

調味料:

鹽 4茶匙
糖 4茶匙
胡椒粉 2茶匙
蠔油 6湯匙

做法:

1. 蝦米用一碗水浸軟, 留起蝦米水備用。
2. 瑤柱用一碗熱水浸約半小時，用中火蒸約半小時，取出後撕成絲，瑤柱水留起備用。


3. 臘腸同臘肉用熱水過一過水，倒下1湯匙紹興酒, 用中火蒸約15分鐘。 留起少許油分, 臘腸開半切粒；臘肉切小粒，備用。


4. 蘿蔔去皮，5斤切條, 4斤半刨絲。


5. 粘米粉和粟粉混合備用。


6. 燒熱鑊, 蝦米用白鑊拱乾至聞到香味, 盛起, 備用。


7. 燒熱鑊, 倒入之前留起的油分, 爆香乾蔥蓉。 先後加入臘腸; 臘肉; 瑤柱絲和蝦米一齊爆炒, 炒至出味, 盛起備用。

8. 爆炒的鑊不用洗, 放入蘿蔔條兜炒至半熟，加入蘿蔔絲煮至蘿蔔轉半透明後，加入調味料, 熄火約2分鐘。


9. 之後分數次將混合粉篩入蘿蔔絲裡攪拌勻。此刻要密切留意水分夠不夠。如比較杰身，可逐少加入瑤柱蝦米水。


10. 最後將臘腸; 臘肉; 瑤柱絲；蝦米；加入拌勻, 但要預留少許材料鋪在糕面上。


11. 把所有材料材料倒進已掃油嘅糕盤裡, 大火蒸45-50分鐘. 即成。

[小小貼士]

- 選購蘿蔔時, 要重手, 即代表蘿蔔有很多水分。
- 蘿蔔糕蒸完放涼後置於雪櫃冷藏 , 至少雪一晚才容易切件來煎。
- 蘿蔔糕不用加水, 因為蘿蔔會出水, 本身的水份再加上蝦米水同瑤柱水已經足夠。
- 臘腸和臘肉加入紹興酒一同蒸, 臘腸和臘肉會更香。
- 臘腸和臘肉一定要爆至油份溢出, 即見到臘腸和臘肉油光閃閃, 令它們更香. 要原鑊爆白蘿蔔連汁, 吸盡臘味餘下的香味。
- 蘿蔔本身有苦澀味, 煮時加少少糖便可除去, 更加令蘿蔔更清甜。
- 蒸糕時要知道是否熟透, 可用小刀或筷子插入糕中間, 若見到刀底筷子沾着的糕不是純白色代表已經熟透。
- 自家製的蘿蔔糕, 由於沒有防腐劑, 通常可以放約5-7日,但建議最好在一星期內吃完, 以免影響味道.有些人喜歡加冬菇, 但會容易壞, 所以只能放2,3 天, 最多一星期。