【食 ❤ 尖沙咀】K-POP X 炸雞 ◕‿◕ 不一樣的生日飯 ♪ﾟ

我如果話好難得先出到黎尖沙咀區
或者大家都會覺你是否在開玩笑呀?(以國語Mode 說)
對於而家既我,出去遠一點既地方其實都怕怕地
由其比較熱鬧,環境比較嘈一點的也會影響到Hugo

但係諗住今年男人生日,仲係以爸爸身份既慶祝
就試一下出去食個小小既生日飯
揀左呢一間都好幾個朋友介紹既韓國炸雞
Chibee Chicken and Beer

座落係H8 既23/F ,由於當日要帶住Hugo
到遲時間比起Booking 遲左,好彩都仲有位置可以提供比我地
一到達餐廳就已經有強勁既K-POP 音樂
不過環境上就比較黑一點,但係唔會話黑到睇唔到餐牌咁既

不過要留意一點就係,餐廳既待應多數都係韓國人
同埋餐牌全部都係英文所以大家可能要拎定電話翻譯當中既內容啦

咁我就冇特別去影底個餐牌,就直接來介紹下我當日食左咩啦
呢個飲品,我見當日都好多人有去飲用我就揀左呢個係 Fruit Punch

一Jar 既份量大約可以每人分到4-5杯以兩個人去分
所以如果一大班黎飲都幾抵,但係可以叫佢小d 冰xd


黎得呢度食飯又點可能唔食炸雞先得架?今次就揀左我見都比較多人點既甜酸炸雞
Sweet & Sour Chicken $178

食炸雞最怕就係食到d 肉又鞋又乾,
但係聽講韓國既炸雞係唔會乾爭爭之如仲啖啖肉
今次揀左呢一個既甜酸炸雞呢,就主要靠d 醬汁啦
不過對於我呢d 最愛撈汁既黎講就好似少左d 啦

不過呢,係炸雞附上既配菜入面又估唔到係幾好食
由其當中既紅菜頭酸酸地好開胃,由其佢有d 辣既地方
食左它就好中和到個隻辣啦


本身想吃一點點飯,始終招呼我呢個大老闆都係需要有飯氣
不過由於店鋪應該都係主打吃炸雞,晚市就冇飯類提供架啦
咁就揀左呢個CHIBEE Noodle $65

其實呢....就有d 似食緊辛辣麵加左韓國午餐肉者
咁一個人食可能都會夠夠地喉,如果兩個人食
就有d 到喉唔到肺既感覺,呢個就真心有d 覺得....唔太值囉


最後又點少得食韓式年糕先得架
不過食唔到辣既我就唔去挑戰最傳統既韓式年糕啦
所以就點左呢個Carbonate Tteakakgi 卡邦尼年糕 $108

既然講得卡邦尼主要就係以白汁為主既,咁呢個年糕入面
除左有年糕之外,都有d 菜係入面
咁就唔會食完好似好濟咁啦係唔係?


對於我地比較少食韓式菜既,今次炸雞就真係有d 不一樣的
當然對於我個個比正野佢食都當草既男人黎講
佢就話同佢食KXC 有咩分別呢?
我就覺得係有一點不一樣,不過環境真係太嘈
對於有小朋友既家庭真係唔岩,睇黎下次我都係同班朋友黎食下先最好

不過如果主要黎食炸雞係可以,當係食晚飯就好似有d唔夠飽囉
都係一次不錯既體驗黎既,我推介它家既炸雞^^

希望你地都喜歡小妹既介紹啦
想隨時留意小妹既Blog 既動態及生活點滴

記得要Like 我既專頁啦
↓↓↓↓↓↓↓

圖片來源：images-blogger-opensocial.googleusercontent.com

◕‿◕如有任何問題歡迎聯絡小妹


電郵:manman811@gmail.com


以下地方可以找到小妹架^^BlogSpot ❤ Instagram ❤ OpenRice ❤ FB 專頁
TheZtyle ❤ Sina Blog ❤ BeautyLife ❤ She Blog ❤ U Beauty
F&B ❤ IMore ❤ Blog DB ❤ Beauty Exchange
We Share ❤ ELLE ❤ Qooza Beauty
Youtube頻道