SPD4459 – 「血汁」懷舊粥店

之前小編們就介紹左咁多間冰室,今次我地就帶大家去一間油麻地既老字號「新豪記粥麵」。哩間粥鋪由1984年開到今時今日,都有成三十一年歷史架啦。

老闆同我地講,係70年代既時候,中國內地爆發左文化大革命,令內地無論係經濟同政治都好唔穩定,唔少人都諗盡方法黎香港。而當時既佢就籍著黎香港探親,然後逾期不走咁申請永久居留權,跟住就開左哩間粥鋪。就係憑住哩間粥鋪,佢一個人就養大左三個小朋友,而加佢地全部都已經係大學生啦。聽到哩度,小編們都不禁心裡面暗暗佩服老闆既勇氣同堅持。


踏入門口,雖然店內地方唔係好大,但要容納二三十人絕對唔係問題。見到入面既擺設大部分都係以木為主,無論係枱枱凳凳定係地板,都流露著古樸同懷舊既味道,令人回想起小時候既一幕幕。而店員更只有老闆和一位老街坊,可見這是一間小本經營既小粥店。


一個下午茶餐只需要$27 ,就已經有一標豆漿、一碗粥加一個小食,絕對係良心店舖!


皮蛋瘦肉粥:哩個價錢並無諗過啲料咁豐富,入面既皮蛋同瘦肉都好足料,而且份料都好大份。粥底亦算綿,但味道略為偏淡。就係哩個味道!雖然唔算係最好食,但卻係小編最想吃到冒味道,家既味道。一煲皮蛋瘦肉粥,由起肉絲到煲粥,無三五個鐘都起唔到貨,所以食落去唔單止有老闆既心機,仲有佢老人家對屋企人既愛護係度。


炸兩:炸兩腸粉皮夠簿,油炸鬼亦都好鬆脆。


炒麵:炒得好乾身、好香亦都唔油賺。


我地見到老闆鬢髮斑白,除左要照顧店內既客人外,每日仲要踏單車去送外賣。此時此刻,係老闆既單車上面,除左有客人既食物之外,仲有佢要養育屋企人既責任,令單車莫名地變得更加沉重。加上單車既破舊,就知道送外賣絕唔係一項優差。老闆加油呀!

老闆心聲:
其實賺錢並唔係一件容易既事,當初都經歷過唔少既低潮,就好似2003年既沙士同2008年既金融海嘯,都鋪頭都成為好大既衝擊,但係我唔想咁快放棄自己既心血同埋要繼續養大幾個仔女,所以堅持落去,做到今時今日。去到今日,其實我都已經唔係為左賺啲咩錢,係希望為附近既中學生同大學生帶黎一啲平價既選擇,亦都希望透過食物黎鼓勵佢地努力讀書。

地址:大角咀海泓道16號富榮花園地下M舖
營業時間:星期一至日早上6點半至凌晨12點九
電話:2175 6668
點去:奧運站D出口,穿過巴士站,左轉直行走30秒左右就到。

想知道更多懷舊餐廳:https://foodcaught.wordpress.com
或者瀏覽我地既Facebook Page: https://www.facebook.com/foodcaught?fref=nf

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→