維他命B2 精選

經好友介紹最近都食緊呢隻維他命B2, 佢已經食咗半年，話覺得皮膚好咗，眼乾問題又改善咗。剛剛佢去補貨嗰日，我又約咗佢一齊high tea 吹水。
於是我又買番樽試下，100mg 一粒，每日一粒，一樽夠食三個幾月，而且老友係會員，幫我買有少少discount, 就係咁我就帶咗樽B2返屋企。

食咗兩星期感覺又ok喎！覺得皮膚無咁乾，個人無咁易攰又好瞓咗！平日護膚品有用開維他命A、B3及C精華液，亦有用過B5 gel mask，但食落肚嘅維他命丸還是第一次。

於是乎八卦嘅我當然發揮偵探本色，來個全綫大搜查，搵出維他命B2究竟係乜，有乜好處。

維他命B2（核黃素）原來又叫「皮膚的維他命」。先講一下B2對身體有乜影響，它能活化其他維他命，增強抵抗力，減少眼睛疲倦，維持造血功能，令頭髮皮膚指甲健康，亦幫助代謝脂肪、蛋白質和碳水化合物。嘩！好似真係好需要喎！咁缺乏維他命B2會點呢？
身體唔夠維他命B2係會易患囗角炎、唇炎、舌炎，亦容易患上脂漏性皮膚炎，同時眼睛會畏光，易令角膜血管増生。

咦！我位老友以前真係好怕光，一出街一定帶住副黑超，又好易眼乾，時時要滴眼藥水。唔怪得之佢話食咗半年B2, 眼乾問題好咗好多。原來係身體唔夠B3呀！

咁我哋係邊度吸收維他命B2呢？

可以係乳制品、全殻類、堅果類、內臓、蛋黃、魚、肉類和菠菜。

我除左內臟比較少食，其他我都食喎！如果攝取過量都唔怕，因為B3是水溶性維他命，不同維他命A和D這些脂溶性維他命吃過量會積存在體內引致肝中毒。水溶性維他命攝取多咗係會排番出體外。所以有時尿尿會變黃一些。
我會乖乖繼續每天食，再留意下身體有乜變化先。