喺加勒比海，研究人员竟然发现到一条橙色皮肤嘅护士鲨！

喺加勒比海，研究人员竟然发现到一条橙色皮肤嘅护士鲨！原因系佢体内缺乏咗红色色素，形成咗罕见嘅「黄变症（xanthism）」。呢种现象喺软骨鱼类（即系鲨鱼、魟鱼、鳐鱼呢啲）从来未被记录过，等于话呢条鲨鱼系大自然送嘅“隐藏彩蛋”。
更加特别嘅系，呢只护士鲨仲有一对白色眼睛，显示出部分白化症嘅特征。一般护士鲨都会系咖啡色，好容易融入海底环境避开掠食者，但呢只就完全唔同，成身橙到闪闪发光，再加对白眼，简直就好似带住 neon 招牌咁写住「我喺度啊」！风险大大增加，随时变成海底 buffet。
不过，科学家话护士鲨同其他鲨鱼唔同，佢唔需要不停游水先可以呼吸，而系靠「口腔泵」将水吸入再换气。咁样就算动作慢啲，都仲有得生存，机会比大家想像中高。

呢种「黄变症」多半系基因突变导致，但饮食同环境都可能影响色素表现。研究团队都讲明，仲要继续调查当地护士鲨族群嘅基因先可以确认原因。

黄变症喺动物界真系超级少见，之前得少数案例，例如：

金黄色淡水鱼

黄金羽毛鹦鹉、金丝雀

黄色嘅蛇同蜥蜴


相反，如果系完全无黄色色素，就会变成「无黄症（axanthism）」。简单啲讲，呢条橙色护士鲨就好似大自然嘅限定款，真系睇一次少一次！潜水客如果喺海底见到佢，完全可以同朋友吹水一世：「嗱，橙色护士鲨，我见过