在家食滷水獅頭鵝

由早利亞的美食感覺於 22/09/2020 發表收藏文章

生記滷味於97年開業，馳名滷水獅頭鵝，聽聞外賣服務方便且有水準，今晚早利亞就一於預訂一份滷水獅頭鵝下莊 $198 加滷水蛋，一份4隻 $30，享受一下潮州風味。滷水鵝是真空包裝，乾淨企理，一開包裝，香味四溢。附送最佳食用貼士，若果再蒸熱會過老，所以提議水滾後將滷味放在碟上再放入鑊，熄火並蓋上鑊蓋，焗三數分鐘至食物變熱，另翻熱附送的滷水汁，淋上鵝上即成。鵝肉入口香軟滑溜，鹵水入味而不過鹹，滷水甘香多層次，香料味道濃郁。滷水拼盤還有多款選擇，包括鵝掌、鵝翼、法式大肝、鵝腎、鵝腸、豬大腸、豬耳、豬頭肉等，任君搭配。
另訂了潮汕自家製手打牛肉丸500g $120，真空包裝，大約二十多粒，滾個生菜湯，口感豐富牛味濃，係潮洲牛丸彈牙，爽。一次過食唔晒？可放雪櫃冰格三個月，靈活方便。這潮州餐，吃得很滋味。