畢打奧

由早利亞的美食感覺於 1 天前發表收藏文章

屹立75年嘅 Better ‘Ole Bar & Restaurant 畢打奧，以往係粉嶺火車站附近的一家小餐廳酒吧，60年代 Mr Watson 離開香港前把餐廳轉手給袁先生打理，延續畢打奧英式風味。餐廳又名適雅餐廳，主打火腿、薯條和豬肉餡餅，酒吧經常有英軍及本地華人一起飲酒交流，非常熱鬧。曾經上水及大埔都有分店，後來只有上水店一直經營至今。上年畢打奧重回粉嶺設分店，裝修充滿懷舊風，酒吧及餐廳分開，周圍都有當年嘅點滴，報道剪報、相片及英兵客人留低嘅紀念徽章等，繼續以鋸扒及焗飯聞名，比上水店多些甜點，皆因第三代主持人曾喺英國藍帶學院進修甜品。
講返今次周日嚟，三人各選了午餐，早利亞當然揀羅宋湯，港式味道兼多料，今日另一選擇係忌廉蘑菇湯都好香又足料。龍蝦汁海鮮意粉 $109 及香煎是日魚柳意粉 $138 都唔錯，味道恰如其分，美國肉眼扒 $159 要5成熟都做得滿意，餐飲可選咖啡茶或加錢轉特飲，任君選擇，環境舒適，價錢合理，三五知己或一家大細聚餐的好地方。