Village Bakery 精選

由早利亞的美食感覺於 02/11/2023 發表收藏文章

街坊幫襯過位於梅窩的隱世手工麵包店，已開店十年嘅 Village Bakery，各款烘焙食品都好有水準，今次又夾幾位街坊，叫車外賣麵包及蛋糕。

Bacon twist $18，收到即刻入爐焗幾分鐘，面脆餡料鹹鹹香香，配杯飲品一流。Apricot walnut prunes sourdough $23，亦好足料，麵包有質感又香。Olive Baguette $15 內有幾粒酸橄欖，加點黑醋橄欖油好夾。第二日早餐，烘熱切開English muffin $12 ，煎香腸加炒蛋，好食過坊間買到的muffin 好多倍。最後下午茶，Apple Tart 蘋果批 $14，玉桂跟蘋果餡超配，好滿足。有機會一定再買，只係要考慮買幾多，因為無防腐劑真係唔可以放太耐，1－2日室溫後就要放冰格，記得不要放雪櫃下格，會抽乾水份影響麵包質素。
這小店出品質素真的很不錯，或許下次到大嶼山逛逛或行山時，記得去幫襯下。