新派素食自助餐 精選

近期流行健康素食，朋友相約到銅鑼灣下午茶，提議到素一，店子提供超過60款中日西素食、沙律、湯、甜品及飲品任食，價錢亦吸引。步入自助餐食物區，見素食壽司卷物非常吸引，由專業壽司師傅用各種蒟蒻素魚片製作，形態像真，入口也有質感，唔止睇得，食落更一般壽司一樣美味。西式前菜有沙律菜、藜麥、三角豆、腰豆等，配不同醬汁，中式則最愛胡麻醬青瓜及黑白雲耳，爽口醒胃。


熱葷多款，有傳統齋菜，上海烤麩非常入味，炒粉炒麵及飯，咖哩銀針粉惹味特別，湯品有白胡椒鹹菜涼瓜及粟米海底椰湯，真材實料夠火候。


薑醋蛋有新蛋或老蛋，新蛋軟腍有蛋香，老蛋結實醋味濃，醋汁香濃美味，沒有豬手肥膩，呷多兩啖也享受。


甜品也有多款，公仔豆沙包夠可愛，綠豆沙及椰汁芋圓西米露好滋潤。飲品可選豆漿、羅漢果水或紅菜頭檸檬水，皆屬健康自家製飲品。價錢優惠，地方舒適寬敞，跟三五知己悠閒地傾談，多食幾道健康素食菜式也無妨。


午市(75分鐘/早上11時至下午2時30分)
星期一至五$78；星期六日及公眾假期$98
下午茶(90分鐘/下午2時30分至下午4時30分)
星期一至五$68；星期六日及公眾假期$78
晚市(90分鐘/晚上6時至11時)
星期一至五$168；星期六日及公眾假期$188

Veggie One 素一
銅鑼灣謝斐道535號Tower 535地庫B04號舖
註：鄰近銅鑼灣港鐵站，附近有咪錶泊位，世貿中心及信和廣場提供時租泊位