屋企煮飯仔之清明前後食蕎菜

由早利亞的美食感覺於 22/03/2021 發表收藏文章

清明節食青團、艾粄之外，仲有食蕎菜嘅習慣，蕎菜又名薤菜或藠頭，一年只係清明前後一個月當造，醃漬過就係平時係酒樓食到嘅蕎頭，尋日係粉嶺見到立刻買半斤，一般多數用嚟炒燒肉，或者煮豆干，但今日早利亞就用第一刀爽肉嚟炒，蔥香味濃郁，飯都食多碗。

做法：～蕎菜葉一般比較老，而且味淡，去葉留莖，切段備用
～豬肉切片，生抽、老抽、少許糖、生粉醃半小時
～燒紅油鑊，下蕎菜爆炒2分鐘，起鑊備用～加少許油下薑片，聞到薑味後炒肉片～肉片8、9成熟時灒酒，蕎菜回鑊～炒勻後上碟

薤（藠頭），最早的記載可以追溯到《神農本草經》中，李時珍的《本草綱目》中也對薤有詳細描述：「薤氣如蔥，根如小蒜，葉如韭，惟韭葉中實而扁，有劍行，薤葉中空，似細蔥葉而有棱。」