正宗烏克蘭菜精選

由早利亞的美食感覺於 21/04/2022 發表收藏文章

位於中環的東歐餐廳主打正宗烏克蘭菜，老闆的太太來自烏克蘭，將東歐美食帶嚟香港，疫情下推出真空凍包，翻熱好簡單，將原包放入熱水直接加熱數分鐘至熱透即可。

正宗烏克蘭羅宋湯 $55，用大量紅菜頭、洋蔥、西芹等熬製而成，顏色鮮紫紅色，如果在店內食會配上酸忌廉，凍湯包則沒有提供。湯內有些牛肉粒，清甜根菜味道有別於港式羅宋湯，好味喔。

烏茲別克牛肉湯 $55 係牛肉清湯，加入薯仔、黃椒、紅蘿蔔、番茄及香草烹調，味道清甜，用湯羹輕輕切碎薯仔令薯粒吸收湯嘅精華，一起放入口好滋味。
俄國炆羊肩 $208 肉質軟稔，多層次香料令羊肉唔會太羶，味道易入口，份量十足，送白飯一流。整體質素唔錯，一於等社交距離措施放寬後約朋友去堂食，好想食基輔雞卷。