巷仔見麵館精選

由早利亞的美食感覺於 02/11/2022 發表收藏文章

係銅鑼灣上外賣平台，見到糖醋肉絲麵賣相好吸引，仲有蝦多士，過$250 有8折就點多幾樣試試，時間都掌握到，外賣哥哥準時送上。

脆脆鳳尾蝦多士 $41
調味剛好，脆口唔油膩，蝦肉鮮味有質感，以外賣嚟講真係keep 得好好。

火山糖醋肉絲麵 $69
呢個係推介主食，外賣分開2盒，炸麵嚟到依然非常脆，乾身沒有一點油，糖醋汁味道唔會搶喉，甜甜酸酸幾醒胃，大家都好滿意。
皇子乳鴿 $48，打開盒好香，仲有溫度，唔過鹹，食得舒服。

鴛鴦蝦揚州炒飯 $69，飯炒得粒粒分明，櫻花蝦份量唔少，增加鮮香。

無骨海南雞飯 $85
雞皮薄，雞肉滑，油飯粒粒分明唔算油，但有朋友仔覺得有點硬，睇你鍾唔鍾意有咬口。湯放咗白蘿蔔，味道都甜，好飲過一般例湯，不過比較其他菜式，呢個就平凡咗。

整體嚟講都有水準，尤其外賣都無走樣，會再幫襯。