小米感應式水龍頭 一掃即出水 網店發售 HK$240

堅尼地城 於 20/06/2020 發表 收藏文章

今日為你介紹既 小米感應式水龍頭,大家一睇大概都估到有咩用途,就係加裝於原有的水龍頭之上,利用感應系統來自動控制出水量,改變原有既扭開關既模式,不過加裝一件咁既東西,又有咩好處呢?細心睇睇,原來又有唔少優點架喎! 

小米感應式水龍頭既運作方法,就係利用機身內置既兩個感測器,從而決定係要持續式或是感應式出水,而包裝提供有 3 組不同尺寸,每組分為外接或內接的轉換接頭,即係共有 6 件,足以迎合市面上大部份的水龍頭,所以唔怕買左會唔岩裝。 


安裝完之後,就要係原本既水龍頭調節好固定的出水量,咁每次出水既力道就會一致,唔會時大時細。 

至於兩個出水模式又係點呢?例如你只係洗手,咁你只需要放隻手係小米既下方,感測器就會控制出水,手離開就會即時停止,依個就係感應式出水。

持續式出水就係當你用洗生果、菜、洗碗清潔,以往需要長開水喉,依架只要機身側旁的感測器就可以不間斷地持續出水,而只要再掃一掃感測器,就可以停水。 


運作模式就講完,咁好處又係咩呢?最大優點,當然係慳水又慳埋水費,因為出水量已經固定左,而且感測到先出水,咁就唔會忘記關水喉又或者關得唔好而漏水,一個月夾夾埋埋慳左好水,水費也都自然減少。

仲有,洗手既前提就係手污糟,如果用污糟既手去開水喉,水龍頭就會受到污染,當洗乾淨對手又要關水喉,即係又接觸受污染既物件,等於沒有清洗,唔通每次洗手又要洗埋個水龍頭?


當用左 小米感應式水龍頭 就唔會再有以上問題,對手就可以保持乾淨,特別係依架疫情嚴重,之前仲會有個案係可能接觸到受病毒污染既水龍頭而染病,你都咪話唔驚。 

講到咁好,係咪即係無缺點呢?又唔係既,最大問題就來自於電量,感應式水龍頭始終都係要電先可以運作,不過機身內置既 550mAh 可充電鋰電池,平均續航有差唔多 6 個月,一般定庭來講,都係半年左右先充電,問題又唔太大。  

介紹完啦,如果你有興趣想買的話,可以到兩間網店 Aiyo0o.com 或 histrend.hk 購買,兩間店都免費送貨。

購買:https://www.aiyo0o.com/products/xiaomi-automatic-sense-sink-faucet
詳文介紹:【開箱】小米自動感應式水龍頭 3 分鐘完成安裝 - https://www.kennechu.info/2020/05/xiaomi-youpin-automatic-sense-sink-faucet.html

原文:【家居】小米感應式水龍頭 又慳水又好用 - https://www.kennechu.info/2020/05/xiaomi-automatic-sense-sink-faucet.html

留言


請按此登錄後留言。未成為會員? 立即註冊
    快捷鍵:←
    快捷鍵:→