破壞關係的相處模式 精選 推薦

又收到無事不登三寶殿朋友的電話，又係感情問題，每次只顧自說自話之後就收線，每次都勁無奈。

今日先打三個有機會使到感情出紅燈既情況:
1.沒有衝突，但也沒有溝通
不指一次聽到朋友說男友的一些生活習慣上的分別，朋友一次又一次向我地這些外人表達不滿，問佢有無同自己男友傾返個情況，但佢又為左保持自己既面子，(覺得講左比男友知道，人地會覺得佢唔夠包容)……老實講，除非男友大近視，情緒不正是已經寫在面上嗎？其實人同人相處，如果有心想建立長久關係，互相講表達多一點，別人了解到為什麼你會有這種情緒，佢可能會減少某啲行為或者相反會多一點體諒而不介意。
2.單方面的要求，妥協
不指一對朋友，男或女單方面的dominant 左個關係， 一方面拎了雙方的主導權，或一方一味的犧牲／妥協，結果不是在拍拖時出現問題就是結婚了，什至生仔之後都拎自己的兒子作為籌碼。不平衡的關係除左會使到習慣性既被寵，而另一方會都會burnout。 一男友人在開始既時候自覺自己比唔上女朋友，女朋友有錢有樣，所以無論女朋友要佢做咩佢都遷就，直到結婚有小朋友之後，大家既摩擦愈來愈多, 宜家見佢身邊不時有外表體貼的異性好友同佢出出入入……

3.關係中只有激情
愛其實主要由三方面組成passion， intimacy, commitment. 三方面的平衡其實很重要。( 激情指強烈的熱情或興奮感， 親密關係指的是親密和彼此依戀的感覺， 責任涉及有意識地決定彼此堅持。)有興趣知多啲請自己search : triangular theory of love. 激情往往不太長久，友人其實真心愛佢每一個異性朋友，見到佢每日都係社交圈放閃既時候，作為朋友很為她感到高興，以為佢已經搵到佢既真命天子，不過一些日子之後就會見到佢地因為感情淡了走不下去……
如果真心想找長遠關係的朋友可以留意自己有沒有遇到以上的情況，如果有的話可以留意一下，相信發現到問題，正視佢先可以避免唔好既情況發生。