要餵奶給寶寶的媽媽必飲湯水, 係摧奶皇牌木瓜魚湯另一選擇, 最好係頭2-6日內飲用, 隔數天就飲一次就最好, 因為頭2-6日基本上係觀察期, 唔適宜飲補湯, 加上開頭啲奶唔多, 飲摧奶湯就最好, 對產後身體亦適合, 但記得, 湯水飲用唔好特效藥, 唔好成日以為飲完就會多奶到瀑布咁流出來, 唔會的, 奶水多少在乎於乳房刺激, 身體就會調節去製奶, 湯水只係扶助, 提供身體一些營養, 令奶水產量增多, 而每個媽媽上奶時間不一的, 切忌過份擔心, 氣餒, 如果2天後都無, 就不況給bb一些奶粉令bb唔好太餓, 但唔好停餵奶, 一般情況2-5日就會有奶, 5日都無就要問醫生啦
做法: (重量單位如要轉換, 請去google查找)
材料：蓮藕2節約80-100克、乾章魚1大塊浸軟(唔好用錯魷魚), 紅衣花生1/2量杯, 青仁黑豆1/2量杯, 瘦肉250克，清水2L
製法：先將黑豆用白鑊炒香,洗淨; 蓮藕清洗去皮,切片; 瘦肉出水; 章魚洗淨; 將全部材料放入煲內，再煲120分鐘, 加鹽調味即成。
小提示:
1- 唔好用錯魷魚, 魷魚無摧奶之神效
2- 其實花生落多點也可以, 有摧奶之奇效
3- 黑豆無可以唔落, 但黑豆營養好, 對頭髮特別好
請按此登錄後留言。未成為會員? 立即註冊