源興美食

今年不少食友回港，吃過幾家老店後，便試試一些未幫襯過的餐廳，此店便是其中之一。
這裡中午應該迫爆在太古坊附近番工既人，今晚就只得兩檯客人。
到店已過約定時間，食友已點好菜式。
杏汁白肺湯先上檯。
湯汁滋潤又足料。

鎮店叉燒皇真係好野。
出品夠蜜味有炭火香又鬆軟，叫得做鎮店出品唔係冇道理。
手工菜既糯米釀雞翼十分飽滿。
糯米吸收左雞油後食落更油潤。
排得靚靚既脆皮燒腩仔唔只得個樣。
腩仔肥瘦相間，腩皮鬆化外肉味也濃郁。
除左燒味外，燒物另叫左蜜汁燒鰻魚。
鰻魚蜜味豐盈，鰻魚皮亦夠薄夠脆。
本來今晚唔會叫四大發明，可能之前既野太油膩，就叫左一鍋足料既肉丸粥平衡一下。

食友在諗叫九肚魚定鮮魷，唔好諗啦叫雙併既椒鹽九肚魚併鮮魷就得。
炸物一樣冇叫人失望，兩者都炸得非常香脆鬆化。
最後追加一味蔬菜類既啫啫通菜，煲上既通菜食落都好夠鑊氣。
食埋呢餐應該有段時間見唔到食友，在此祝願食友同屋企人在彼邦生活愉快。

源興美食
鰂魚涌海光街11號漢威大廈地下7號舖
2711 1311