馬鞍山有望脫離美食沙漠精選

由早利亞的美食感覺於 19/06/2022 發表收藏文章

今日要去一趟新港城，專程走落地下Sick!Burger 買個手工漢堡，這家由曾於米芝蓮餐廳工作的大廚主理，對食材講究，注重細節位，仲自家製法式牛油包 (Brioche Bun) 咁有誠意，落單後即製，所以要等一陣。主打每塊4安士嘅美國安格斯漢堡扒，早利亞就貪心d，叫咗個 Double 雙層漢堡 $68+$28，另外好想試加埋慢煮豬肉拆絲做餡料的 Sick!Pork $68 豬肉漢堡。

落單後廚師將漢堡肉放上鐵板即煎，香味隔著口罩都聞到，每塊漢堡上放上芝士，煎至半溶後放上烘熱的包上，再加醬料及餡料如洋葱、生菜、酸青瓜等，配搭亦花心思，口感味道都豐富，包好食有彈性，漢堡有牛肉味有肉汁唔油膩。
Sick!Pork 設計上分兩層，上層係煎香嘅豬肉漢堡扒，加入以白蘭地爆香的雞肝同埋低溫油浸洋葱，底層用上慢煮 24 小時嘅手撕豬肉做餡料，配上芝士酸青瓜等，好特別，好滿足。好想好想試洋蔥圈，下次一定要試。

後記，平時Sick係疾病咁解，覺得奇怪，上網查下，原來當年大廚係英國工作時知道Sick係英國俚語中有另一解說「好正！」於是店子就以此為名。