係睇更多精彩內容之前，不妨follow我們專欄的fanspage呀！
4 media life fb page
—————————————————————————————————————
一路以嚟，廣東話都係香港嘅主要語言。香港有今日，除左勝在有ICAC，廣東話都功不可沒。可惜嘅係今時今日，不論政府定私人機構，都慢慢想將香港嘅重心語言由廣東話轉移去普通話。
近至無線電視台新增嘅J5頻道，寵物小精靈嘅新名寶可夢，遠至政府一直密謀緊嘅普教中，都係將普通話慢慢滲入香港人嘅日常生活。早幾日直頭有嶺南大學嘅教授講明唔會用廣東話教中文，因為以後普通話先係香港嘅主流。以上種種都顯示出社會上有啲人已經慢慢咁想棄粵推普。當中影響最大嘅可以話係J5頻道。其實無線係J5台之前就已經慢慢傾向中國，一堆外國譯名都唔再用廣東話音譯，而係用普通話音譯。「布拉德皮特」同「喬治克魯尼」知唔知係咩嚟？就係畢彼特同佐治古尼啦。依家直頭嚴重到用埋普通話做主要語言。
咁究竟廣東話係唔係咁無市場呢？先由遠少少開始講起，係韓劇仲未流行嘅時候，香港嘅電視劇電影係亞洲同其他華人地區係好受歡迎。如果你以前有睇過無線台慶，都會知道佢係好多其他國家都進行直播錄播。或者如果你有機會睇其他國家嘅綜藝節目，亦可以發現有唔少人係好鐘意八九十年代嘅香港電影。張國榮同周星馳嘅人氣就唔駛講。講番近嘅，Running Man主持之一池石鎮早排先係節目度唱陳奕迅嘅無條件，IU之前亦有唱過囍貼街。由此可見，其實廣東話係其他地區有一定使用率同受歡迎程度。
語言除左作為一個日常傳遞資訊嘅橋樑，更重要嘅係可以傳揚文化。廣東話有好多傳神嘅歇後語同諺語，「火燒旗杆」同「財到光棍手」就係好例子，用其他語言根本唔可能明白。再者，香港人由細到大成長都係用廣東話。要講共鳴同集體回憶一定係用廣東話。更何況，一大堆經典作品都係用廣東話為主，捨棄廣東話只會令我哋欣賞唔到果啲傑作，同老一輩嘅溝通亦只會更加困難，咁試問文化又點可能薪火相傳呢？
即使係日常說話，用普通話為主都會做成好多問題。首當其衝嘅係好多嘢嘅名都要重新改過，亦好可能失去左本身嘅意義或者淵源。最明顯嘅就係街道名，香港好多街道名都係過去英殖時期改落，當中有不少都係用音譯嘅方式嚟翻譯成中文。強行用其他語言嚟講只會顯得不倫不類，而且亦都好唔方便。
香港可以話係最常使用廣東話嘅一個族群，甚至有啲字都係香港人所發明。所以係守護廣東話上面，香港係有唔少嘅責任。我好希望香港人會多珍惜廣東話，唔好因為認為普通話會比較好搵食就以普通話為主。人生除左金錢以外仲有好多值得珍惜嘅嘢，再者講廣東話又唔係會搵唔到錢。
—————————————————————————————————————
想了解更多精彩內容，記得follow我們的專欄啦！ 4 media life fb page
4 media life fb page
—————————————————————————————————————
一路以嚟，廣東話都係香港嘅主要語言。香港有今日，除左勝在有ICAC，廣東話都功不可沒。可惜嘅係今時今日，不論政府定私人機構，都慢慢想將香港嘅重心語言由廣東話轉移去普通話。
近至無線電視台新增嘅J5頻道，寵物小精靈嘅新名寶可夢，遠至政府一直密謀緊嘅普教中，都係將普通話慢慢滲入香港人嘅日常生活。早幾日直頭有嶺南大學嘅教授講明唔會用廣東話教中文，因為以後普通話先係香港嘅主流。以上種種都顯示出社會上有啲人已經慢慢咁想棄粵推普。當中影響最大嘅可以話係J5頻道。其實無線係J5台之前就已經慢慢傾向中國，一堆外國譯名都唔再用廣東話音譯，而係用普通話音譯。「布拉德皮特」同「喬治克魯尼」知唔知係咩嚟？就係畢彼特同佐治古尼啦。依家直頭嚴重到用埋普通話做主要語言。
咁究竟廣東話係唔係咁無市場呢？先由遠少少開始講起，係韓劇仲未流行嘅時候，香港嘅電視劇電影係亞洲同其他華人地區係好受歡迎。如果你以前有睇過無線台慶，都會知道佢係好多其他國家都進行直播錄播。或者如果你有機會睇其他國家嘅綜藝節目，亦可以發現有唔少人係好鐘意八九十年代嘅香港電影。張國榮同周星馳嘅人氣就唔駛講。講番近嘅，Running Man主持之一池石鎮早排先係節目度唱陳奕迅嘅無條件，IU之前亦有唱過囍貼街。由此可見，其實廣東話係其他地區有一定使用率同受歡迎程度。
語言除左作為一個日常傳遞資訊嘅橋樑，更重要嘅係可以傳揚文化。廣東話有好多傳神嘅歇後語同諺語，「火燒旗杆」同「財到光棍手」就係好例子，用其他語言根本唔可能明白。再者，香港人由細到大成長都係用廣東話。要講共鳴同集體回憶一定係用廣東話。更何況，一大堆經典作品都係用廣東話為主，捨棄廣東話只會令我哋欣賞唔到果啲傑作，同老一輩嘅溝通亦只會更加困難，咁試問文化又點可能薪火相傳呢？
即使係日常說話，用普通話為主都會做成好多問題。首當其衝嘅係好多嘢嘅名都要重新改過，亦好可能失去左本身嘅意義或者淵源。最明顯嘅就係街道名，香港好多街道名都係過去英殖時期改落，當中有不少都係用音譯嘅方式嚟翻譯成中文。強行用其他語言嚟講只會顯得不倫不類，而且亦都好唔方便。
香港可以話係最常使用廣東話嘅一個族群，甚至有啲字都係香港人所發明。所以係守護廣東話上面，香港係有唔少嘅責任。我好希望香港人會多珍惜廣東話，唔好因為認為普通話會比較好搵食就以普通話為主。人生除左金錢以外仲有好多值得珍惜嘅嘢，再者講廣東話又唔係會搵唔到錢。
—————————————————————————————————————
想了解更多精彩內容，記得follow我們的專欄啦！ 4 media life fb page
請按此登錄後留言。未成為會員? 立即註冊