係睇更多精彩內容之前，不妨follow我們專欄的fanspage呀！
4 media life fb page
——————————————————————————————
熱門連載漫畫之一《暗殺教室》岩岩係上個星期完左。老實講，筆者一直都有追唔少漫畫。《暗殺教室》可以話係近年最好嘅漫畫之一，好難得有一本漫畫係可以做到好頭好尾。而且以一本中等長度嘅漫畫嚟講，佢能夠做到有高潮位同有意義，實在難能可貴。
先講一下成套漫畫嘅背景啦。故事嘅主角係椚丘中學3年E班。一見到E班，大家都應該估到依班學生嘅成績唔會太好。再加上一個成績唔好等於壞學生嘅偏見，E班係學校入面可以話係比人歧視嘅一班。入面嘅學生亦不乏問題學生，而其他大部份都會欠缺自信。但有一日，一個史無前例嘅責任趺左係依班學生嘅肩膀上面。一個將月球炸爛嘅怪物「殺老師」竟然自願嚟做依班學生嘅班主任，而政府亦將暗殺依隻怪物嘅秘密任務派左比依班學生。結果，為期一年，以暗殺為中心嘅班別就咁誕生左。
其實依種老師類漫畫都係用圍繞著學生唔同事件嚟做唔同嘅章節，一邊幫學生解決問題一邊俾學生成長，從中帶出唔少道理。整體嘅同GTO有唔少相似嘅地方。一個「超唔正常」嘅老師，用自己嘅方式將書本以外嘅人生道理傳授比學生。比較獨特之處就係依本書嘅諷刺位有唔少，帶出左依家唔少學生嘅困境。以成績論人、父母期望、校長壓力、恃才傲物等等。透過種種唔同嘅問題，讀者會感受到學生嘅成長，睇嘅時候更加投入。係依點上面，《暗殺教室》處理得唔錯。而且有成長嘅亦包括老師同敵人，帶出嘅訊息更多元化。
除左交代主線劇情之外，依套漫畫係處理黑色幽默上亦十分出色。試諗番成個故事嘅背景，一班主角透過學習同合作打低大魔王本身就係一個好熱血嘅王道劇本。但係依度，就變成一套搞笑漫畫。書入面畫左大量「殺老師」點樣運用自己超人般嘅能力去滿足微少嘅私慾。例如，用超高速飛行嘅能力專登係Lunch Time去四川食麻婆豆腐，用極致嘅聽覺去聽老師同學生之間嘅八卦，用驚人嘅智慧去諗一大堆唔會出現嘅意外處理手法。兩者之間嘅矛盾固然可以引人一笑，亦比讀者一種親切感，覺得依隻怪物誇張得嚟唔突兀。依點為成部漫畫加左唔少分。
但作為一套好漫畫，亦唔可以缺少好嘅角色。本書嘅三大主角都做得好好。怪物老師「殺老師」係最好最特別果個。雖然有住超人一樣嘅能力，但內心亦同人類一樣，有自己嘅喜好，慾望同執著。另外兩大學生主角，業同緒有住相反但互補嘅性格。緒係一開始比較自卑，但之後透過暗殺搵到自己嘅信心同抱負。業就完全相反，一開始比較自大，但係「殺老師」面前學識點面對自己嘅弱點同野心。兩個學生一陰一陽咁係「殺老師」嘅特殊教育之下互相比較互相成長，三個人之間嘅互動十分引人入勝。
最後都要讚下成套漫畫嘅結局。對比起之前一直搞笑但帶點緊湊嘅劇情，結尾嘅處理手法顯得更平淡，但亦更感動人。逐個逐個點名令讀者可以勾起之前嘅回憶，而之後果集亦可以見到學生以唔同嘅方式運用到係暗殺教室學到嘅嘢。最後渚用同「殺老師」一樣嘅對白同學生打招呼更令人感動。
簡單嚟講，神作不解釋。
——————————————————————————————
想了解更多精彩內容，記得follow我們的專欄啦！
4 media life fb page
4 media life fb page
——————————————————————————————
熱門連載漫畫之一《暗殺教室》岩岩係上個星期完左。老實講，筆者一直都有追唔少漫畫。《暗殺教室》可以話係近年最好嘅漫畫之一，好難得有一本漫畫係可以做到好頭好尾。而且以一本中等長度嘅漫畫嚟講，佢能夠做到有高潮位同有意義，實在難能可貴。
先講一下成套漫畫嘅背景啦。故事嘅主角係椚丘中學3年E班。一見到E班，大家都應該估到依班學生嘅成績唔會太好。再加上一個成績唔好等於壞學生嘅偏見，E班係學校入面可以話係比人歧視嘅一班。入面嘅學生亦不乏問題學生，而其他大部份都會欠缺自信。但有一日，一個史無前例嘅責任趺左係依班學生嘅肩膀上面。一個將月球炸爛嘅怪物「殺老師」竟然自願嚟做依班學生嘅班主任，而政府亦將暗殺依隻怪物嘅秘密任務派左比依班學生。結果，為期一年，以暗殺為中心嘅班別就咁誕生左。
其實依種老師類漫畫都係用圍繞著學生唔同事件嚟做唔同嘅章節，一邊幫學生解決問題一邊俾學生成長，從中帶出唔少道理。整體嘅同GTO有唔少相似嘅地方。一個「超唔正常」嘅老師，用自己嘅方式將書本以外嘅人生道理傳授比學生。比較獨特之處就係依本書嘅諷刺位有唔少，帶出左依家唔少學生嘅困境。以成績論人、父母期望、校長壓力、恃才傲物等等。透過種種唔同嘅問題，讀者會感受到學生嘅成長，睇嘅時候更加投入。係依點上面，《暗殺教室》處理得唔錯。而且有成長嘅亦包括老師同敵人，帶出嘅訊息更多元化。
除左交代主線劇情之外，依套漫畫係處理黑色幽默上亦十分出色。試諗番成個故事嘅背景，一班主角透過學習同合作打低大魔王本身就係一個好熱血嘅王道劇本。但係依度，就變成一套搞笑漫畫。書入面畫左大量「殺老師」點樣運用自己超人般嘅能力去滿足微少嘅私慾。例如，用超高速飛行嘅能力專登係Lunch Time去四川食麻婆豆腐，用極致嘅聽覺去聽老師同學生之間嘅八卦，用驚人嘅智慧去諗一大堆唔會出現嘅意外處理手法。兩者之間嘅矛盾固然可以引人一笑，亦比讀者一種親切感，覺得依隻怪物誇張得嚟唔突兀。依點為成部漫畫加左唔少分。
但作為一套好漫畫，亦唔可以缺少好嘅角色。本書嘅三大主角都做得好好。怪物老師「殺老師」係最好最特別果個。雖然有住超人一樣嘅能力，但內心亦同人類一樣，有自己嘅喜好，慾望同執著。另外兩大學生主角，業同緒有住相反但互補嘅性格。緒係一開始比較自卑，但之後透過暗殺搵到自己嘅信心同抱負。業就完全相反，一開始比較自大，但係「殺老師」面前學識點面對自己嘅弱點同野心。兩個學生一陰一陽咁係「殺老師」嘅特殊教育之下互相比較互相成長，三個人之間嘅互動十分引人入勝。
最後都要讚下成套漫畫嘅結局。對比起之前一直搞笑但帶點緊湊嘅劇情，結尾嘅處理手法顯得更平淡，但亦更感動人。逐個逐個點名令讀者可以勾起之前嘅回憶，而之後果集亦可以見到學生以唔同嘅方式運用到係暗殺教室學到嘅嘢。最後渚用同「殺老師」一樣嘅對白同學生打招呼更令人感動。
簡單嚟講，神作不解釋。
——————————————————————————————
想了解更多精彩內容，記得follow我們的專欄啦！
4 media life fb page
請按此登錄後留言。未成為會員? 立即註冊