係睇更多精彩內容之前，不妨follow我們專欄的fanspage呀！
「4 media life」Facebook page
===================================================================
「出門口啦，記得著番件外套。」薇姨同佢個仔小傑講。
呢番說話係村內十分之常見，基本上可以算係每個細路出門口前父母都會講嘅一番說話。
原因無他，因為呢條村係狼人村，一條有人類同狼人一齊生存嘅村落。狼人平常係可以同人類共存嘅，之不過一旦發狂，就會獵食人類。
係小傑走左之後無耐，我都拎起書包出門口返學。
係街上面，周圍嘅路人都係披住狼人皮。呢個係我地條村嘅習慣。因為每個人都怕遭到狼人嘅毒手，所以任何時候都會著住狼人外套。而我嘅更加係獨一無二，佢係我媽媽俾我嘅最後一份禮物。一旦著過一次，我就習慣唔到其他狼人外套。係唔記得邊一年大掃除果陣，我就將其他嘅都丟哂，淨係留低左呢一件。即使回到班房，放眼望到嘅都仲係狼人。日常嘅課堂都仲無乜問題。不過我哋學校就無任何課外活動啦。成班學生著住咁厚嘅狼毛外套，都無晒幹勁去參加啲咩運動啦，更唔好講音樂話劇果種藝術性比較重嘅。所以校內總係死氣沉沉的，你唔會亦都唔可能見到任何一絲真實嘅笑容，眼前只有一個又一個嘅面具。
放學之後我哋一般都係即刻返屋企。係返去嘅途中，本身我前面就有一對母子係度行緊。突然前面個小朋友除左自己頂帽，仲係度大叫。
小朋友：「好熱呀，我唔要帶依頂帽啦。」
母親：「唔可以除左頂帽，聽話，快尐帶番。」
小朋友：「唔要。」
正係依對母子仲係度爭執期間，周圍嘅人都停低哂望住佢哋。突然有一個狼人已經忍耐唔住，張牙舞爪咁撲向個細路。個小朋友擦傷左，鮮紅色嘅血慢慢流出。其他狼人都開始逐個逐個撲上去。母親就係小朋友身邊一邊攬實個小朋友，一邊大叫救命。
我同部份路人一樣企定定無郁到。我唔可能出手救佢哋兩個，因為一嘗試救佢哋就會暴露左我人類嘅身份，連我都會有危險。兩個人死總比三個人死好。而且係個小朋友自己除左頂帽先，唔係我連累到佢，我無必要付任何責任。我只係普通人一個，又有咩可能救到佢兩個呢? 所以我唔出手企定定先係正常，我只係做緊一個正常人會做嘅嘢。我望住眼前嘅慘案發生，但我連眼都無眨到。因為我要盡可能記低前眼果班狼人嘅特徵，咁我之後就會更加安全。
終於過左陣，兩母子已經被狼人啃食得七七八八。其中一隻狼人將剩餘嘅屍骸拉去一角。其如嘅就四散，路人開始一個接著一個行番。我亦都大步跨過左地上嘅一灘血跡。我連媽媽嘅都跨過到，又點可能再被陌生人動搖到呢? 我知道自己慢慢開始麻木。正因為愈麻木，我就可以扮狼人扮得愈好。只有咁做，我先可以繼續生存落去。返到屋企，我都無除低自己件狼人外套。我怕唔小心有人望到我嘅真面目。久而久之，其實慢慢就習慣左。而且長期著住仲有另一個好處，冬天嘅時候都會無咁凍。
廿年瞬間過去，當日嘅學生亦長大成人，開始有自己嘅工作。一如以往，男士著住西裝出左門口。係佢離開間屋之後。風吹起窗簾，陽光從窗嘅一角照到入房中嘅衣櫃。衣櫃嘅門打開左，照到正中間放住一件狼人外套。
===================================================================
想了解更多精彩內容，記得follow我們專欄啦！
「4 media life」Facebook page
（圖片取自網上，僅供參考）
「4 media life」Facebook page
===================================================================
「出門口啦，記得著番件外套。」薇姨同佢個仔小傑講。
呢番說話係村內十分之常見，基本上可以算係每個細路出門口前父母都會講嘅一番說話。
原因無他，因為呢條村係狼人村，一條有人類同狼人一齊生存嘅村落。狼人平常係可以同人類共存嘅，之不過一旦發狂，就會獵食人類。
係小傑走左之後無耐，我都拎起書包出門口返學。
係街上面，周圍嘅路人都係披住狼人皮。呢個係我地條村嘅習慣。因為每個人都怕遭到狼人嘅毒手，所以任何時候都會著住狼人外套。而我嘅更加係獨一無二，佢係我媽媽俾我嘅最後一份禮物。一旦著過一次，我就習慣唔到其他狼人外套。係唔記得邊一年大掃除果陣，我就將其他嘅都丟哂，淨係留低左呢一件。即使回到班房，放眼望到嘅都仲係狼人。日常嘅課堂都仲無乜問題。不過我哋學校就無任何課外活動啦。成班學生著住咁厚嘅狼毛外套，都無晒幹勁去參加啲咩運動啦，更唔好講音樂話劇果種藝術性比較重嘅。所以校內總係死氣沉沉的，你唔會亦都唔可能見到任何一絲真實嘅笑容，眼前只有一個又一個嘅面具。
放學之後我哋一般都係即刻返屋企。係返去嘅途中，本身我前面就有一對母子係度行緊。突然前面個小朋友除左自己頂帽，仲係度大叫。
小朋友：「好熱呀，我唔要帶依頂帽啦。」
母親：「唔可以除左頂帽，聽話，快尐帶番。」
小朋友：「唔要。」
正係依對母子仲係度爭執期間，周圍嘅人都停低哂望住佢哋。突然有一個狼人已經忍耐唔住，張牙舞爪咁撲向個細路。個小朋友擦傷左，鮮紅色嘅血慢慢流出。其他狼人都開始逐個逐個撲上去。母親就係小朋友身邊一邊攬實個小朋友，一邊大叫救命。
我同部份路人一樣企定定無郁到。我唔可能出手救佢哋兩個，因為一嘗試救佢哋就會暴露左我人類嘅身份，連我都會有危險。兩個人死總比三個人死好。而且係個小朋友自己除左頂帽先，唔係我連累到佢，我無必要付任何責任。我只係普通人一個，又有咩可能救到佢兩個呢? 所以我唔出手企定定先係正常，我只係做緊一個正常人會做嘅嘢。我望住眼前嘅慘案發生，但我連眼都無眨到。因為我要盡可能記低前眼果班狼人嘅特徵，咁我之後就會更加安全。
終於過左陣，兩母子已經被狼人啃食得七七八八。其中一隻狼人將剩餘嘅屍骸拉去一角。其如嘅就四散，路人開始一個接著一個行番。我亦都大步跨過左地上嘅一灘血跡。我連媽媽嘅都跨過到，又點可能再被陌生人動搖到呢? 我知道自己慢慢開始麻木。正因為愈麻木，我就可以扮狼人扮得愈好。只有咁做，我先可以繼續生存落去。返到屋企，我都無除低自己件狼人外套。我怕唔小心有人望到我嘅真面目。久而久之，其實慢慢就習慣左。而且長期著住仲有另一個好處，冬天嘅時候都會無咁凍。
廿年瞬間過去，當日嘅學生亦長大成人，開始有自己嘅工作。一如以往，男士著住西裝出左門口。係佢離開間屋之後。風吹起窗簾，陽光從窗嘅一角照到入房中嘅衣櫃。衣櫃嘅門打開左，照到正中間放住一件狼人外套。
===================================================================
想了解更多精彩內容，記得follow我們專欄啦！
「4 media life」Facebook page
（圖片取自網上，僅供參考）
請按此登錄後留言。未成為會員? 立即註冊